Die beste mans ooit (3): Ignaz Semmelweis
Dr Ignaz Semmelweis was ‘n Hongaarse dokter en verloskundige wat ontdek het dat die voorkoms van kraamkoors (en gevolglike sterftes) drasties verminder kan word deur die hande te ontsmet tydens geboorte. Hy het op goeie higiëne en gereelde handewas deur dokters aangedring, en soveel vroue se lewens gered dat hy as die redder van moeders beskryf is. En hy het dit reg gekry nog voordat mense soos Louis Pasteur en Robert Koch gewys het dat daar iets soos kieme bestaan, en dat siektes deur kieme veroorsaak word.
Dit behoort niemand te verbaas nie, dat sommige dokters aanstoot geneem het dat Semmelweis hul bestaande idees en praktyke weerspreek het nie. Byvoorbeeld Karl Braun, wat Semmelweis opgevolg het by die kliniek in Wene, het Semmelweis se siening verwerp, en die gevolg was ‘n drastiese styging in sterftes van moeders in die kliniek. Nie dat so iets sommige dokters sal afsit nie – party dokters se selfvertroue is so groot, hulle kan nie deur deur sulke onbenullighede ge-rattle word nie.
Die refleks-agtige verwerping van nuwe kennis omdat dit met bestaande idees en praktyke bots, word nou die Semmelweis reflex genoem. (Dis nogal iets wat bekend is vir mense in die HAES en vetaanvaarding kamp. Dokters sal aanhou aandring op ‘n fokus op gewig verloor, al sê vroue in hulle massas dit help nie, en dit werk nie, en al is daar geen navorsing wat kan bewys dat mens jou gesondheid kan verbeter deur te fokus op gewig verloor nie ).
PS: Sien ook hierdie interessante inskrywing oor Semmelweis vs die bestaande orde
Sien my
bruinoog, bruinoognooi
Onlangse Kommentaar