Bruid
Ek weet nie eintlik wat ek hier probeer nie, ek moet erken. Maar ek is nie ‘n Angus Buchan aanhanger nie. Ek sit hierdie foto op, met die doel om vir Celeste Coetzee te ondersteun in wat sy met haar kuns wil sê. (Sien Rapport berig)
Mooi so, Celeste, ek dink jy is baie dapper!
PS: As jy baie ontsteld is oor war Celeste gedoen het, lees hier
Die beste mans ooit (1): Frank Frazetta
Spesiaal, en op versoek van Vlam, het ek besluit om nou en dan iets oor mans op te sit. Frank Frazetta is seker my gunsteling kunstenaar, en ek dink hy is dalk nogal mooi vir vroue om na te kyk:
Daar is baie van sy goed op my blog, maar hier is nog iets – net om jou ‘n idee te gee hoe fantasties sy hande is:
Die drie eilande
Op die eiland van mans, het die mans in spanne saamgewerk om dinge te bou. Die manne het groot waarde geheg aan mekaar se geselskap en opinies, en het ook saans na werk met die mans in hulle spanne gesosialiseer. Hulle het baie van vroue gepraat, en het mekaar geleer om dieselfde tipe vroue verkies.
Op die eiland van die vroue, het die vroue hul huise so mooi as moontlik gemaak. Groot klem is gele op passende kleure. Sommige vroue het gedurig vergelyk wie se huis is die mooiste.
Op die eiland van godinne, was daar ‘n vrou in elke boom, rots, berg, waterval en stroompie. Hierdie godinne was baie verskillend van mekaar. Soms het ‘n man van die eiland van mans daarin geslaag om die saaiheid van sy bestaan te begryp. Party van hulle het probeer ontsnap deur na die eiland van godinne te swem. Enkeles van hulle het nie verdrink nie, en op die eiland van godinne aangekom. Die wat dit reggekry het, het nooit terug verlang nie.
Vrou by kunsuitstalling
Eenkeer was ek by ‘n kunsuitstalling, en daar was ‘n vrou van so in haar vyftigs wat ook uitgestal het. Toe ek na haar interessante skilderye kyk, sien ek almal het min of meer dieselfde tema – ‘n vrou wie se borste so ‘n bietjie wys -vir watter rede ookal. Die een buk byvoorbeeld om ‘n ou man se kierie vir hom op te tel. En toe ek verder kyk, besef ek daar is in elke skildery ‘n man of seun wat belangstellend toekyk. Ek kliek to dat die mans haar eintlike tema is, en op daardie oomblik word ek bewus dat die uitstaller na my kyk. Ek kyk toe in haar rigting en sien sy kyk my met sulke vonkelogies aan!
Eelt 
Nuutste kommentaar